Sot duke filluar nga ora 12 do të protestojnë, Shoqata e Prodhuesve te Qumështit në mbështetje nga Shoqata e Përpunuesve te Qumështit. Siç është paralajmruar nga organizatorë nisja behet nga parkingu i bororamizit pastaj do të ndalën dhe do bllokohen me mjete te ndryshme pikat për: Pejë-Rozhajë, Prishtinë – Ferizaj, Prishtinë – Podujevë, Prishtinë – Mitrovicë.
Rrugët që lidhin pikat doganore në gjithë Kosovën pritet të bllokohen sot nga traktorët, mjetet bujqësore dhe kafshët. Kjo është protesta e prodhuesve dhe përpunuesve vendor në shenjë pakënaqësie ndaj mosrealizimit të kërkesave të tyre.
Kryetari i shoqatës së prodhuesve të qumështit, Naser Bajraktari ka thënë se në të gjitha problemet e këtij sektori i pari që e pëson është fermeri. Ai u shpreh i pakënaqur për situatën e këtij sektori, duke thënë se falimentimi i fermave dhe reduktimi i punëtorëve është një fenomen që po ndodh çdo ditë brenda këtij sektori.
Njëjtë si Bajraktari mendon edhe kryetari i përpunuesve të qumështit, Ramadan Memaj, i cili ka thënë se importi në të shumtën e rasteve bëhet edhe në mënyrë ilegale dhe hynë në treg me çmim shumë të lirë, gjë e cila po e vështirëson punën e fermerëve dhe nuk po lenë hapësirë në treg për prodhuesit vendor.
Ndërsa Ibrahim Rexhepi, ekspert i fushës së ekonomisë tha se nuk duhet lejuar krijimin e monopoleve në treg, por duhet të përmbushen kërkesat që vijnë prej qumështarëve. / 21MEDIA
Bllokohen rrugët, protestohet edhe me traktorë e kafshë
НАЈНОВИ ВЕСТИ
