Најмалку 21 лице го загуби животот во поплавите во Босна и Херцеговина.
16 од нив се сметаат за исчезнато, додека пак под знак прашалник е одржувањето на локалните избори во погодените подрачја во недела.
Најмалку 16 лица од областа на северна Херцеговина во моментов се водат како исчезнати, откако е потврдено дека исто толку луѓе загинале само во областа Јабланица, изјави премиерот на БиХ, Нермин Никшиќ.
Спасувачките екипи цел ден се обидуваа да ги расчистат урнатините во селото Доња Јабланица, каде беа уништени или оштетени десетици куќи, а Никшиќ вечерта потврди дека во урнатините се пронајдени голем број тела, но дека и многу луѓе се исто така исчезнати.
„Според информациите што ги имам, 16 лица загинаа во Јабланица, а 12 се водат за исчезнати. Едно лице загина во Бутуровиќ Поље, а се трага по четворица. Меѓутоа, проблемот се местата до кои не се стигнати“, изјави тој.
Уште едно тело пронајдено во Јабланица
Тамошните медиуми објавија дека е пронајдена уште една жртва во Јабланица, со што бројот на загинатите на тоа место се искачи на 17.
Никшиќ ситуацијата на овие локации ја оцени како критична, додавајќи дека сето тоа е голема трагедија.
Најмалку три лица се пронајдени мртви во областа Фојница во централна Босна, соопшти Министерството за внатрешни работи. Станува збор за двајца мажи и една жена.
Поради тешката состојба во поплавените подрачја на северот и во централна Босна, Централната изборна комисија на Босна и Херцеговина (ЦИК) вечерта одржа вонредна седница на која требаше да процени дали во недела може да се одржат локални избори како и претходно.
На седницата одржана во Сараево, тие одлучија дека засега ќе биде стопирана испораката на гласачки материјали до општините погодени од поплавите.
Одлуката се носи за во Јабланица, Коњиќ, Фојница, Кисељак, Крешево, Бреза, Високо, Прозор – Рама, Бихаќ и градот Мостар.
За организирање избори во овие изборни единици или поединечни избирачки места во овие изборни единици, СИП ќе се изјасни на седницата што ќе продолжи утре (сабота) по добивање дополнителни информации од теренот“, се вели во соопштението објавено по седницата.