Коалицијата ВЛЕН продолжува со внатрешна дебата за спојување во една партија, но сè уште не е донесена конечна одлука, иако оваа идеја одамна се спомнува. Идејата за избор на лидер со едногодишен ротационен мандат, изгледа дека е одбиена и сега се разгледуваат други опции. За Изет Мехити, најдобрата опција е со ко-претседатели.
„За мене, најреална опција за да се направи ВЛЕН една партија е опцијата со ко-претседатели, што значи дека и другите ќе бидат позиционирани во тесното раководство.“, вели Меџити.
Но, дали ќе има согласност и од другите партнери за оваа опција, останува да се види.
На прашањето дали вратата е отворена за соработка со Али Ахмети и ДУИ, Меџити рече дека нема непријателство со поранешните партиски колеги.
„Нема непријателство. Лични непријателства немаме. Имавме политички разлики, но денес сум дел од ВЛЕН и сум 100% фокусиран да го консолидирам ВЛЕН, за ВЛЕН да биде една партија. Нормално, за национални, витални прашања, можеме и да седнеме да разговараме кога има потреба. Како што ја признава демократијата, позиција-опозиција, постојат прашања кои се над дневната политика и таму, не со господинот Ахмети, туку со секоја албанска партија, сме подготвени да седнеме и да разговараме.“, изјави Меџити.
Пред една недела, за истото прашање беше прашан и претседателот на ДУИ, Али Ахмети.
„Јас немам непријателство со никого, но дали ќе се врати во ДУИ, тоа го одлучува ДУИ, не Али Ахмети“, вели Ахмети.
Дали едниот му остава отворена врата на другиот, останува да се анализира. Меџити во Клик Плус исто така рече дека ВЛЕН и вака како што е, покажала дека е успешна. Дел од коалицијата ВЛЕН се: Демократско движење, БЕСА, Алтернатива и Арбен Фетаи како дел од АА. Оваа коалиција исто така е поддржана од Самоопределување и Движењето Арбериа.