Таргетирана помош за оние на кои им е најпотребна , борба со сивата економија, борба против корупцијата и намалување на парафискалните давачки кои во некои случаи се поголеми од даноците , ова се главните барања на бизнисмените до Владата. Истите денеска беа претставени на првата работната средба помеѓу владин економски тим и Сојузот на стопански комори.
„Сите претпријатија и сите оние од приватниот сектор кои се соочуваат со финансиски потешкотии поради кризата да добијат соодветна таргетирана помош која што им е неопходна“, истакна Даниела Арсовска.
Владата е стабилна порача премиерот Заев, и ја испраќа пораката на предвидливост. Најави намалување на парафискалните давачки до крај на мандатот.
„Даноците треба да бидат стабилни и предвидливи ако се случи било каква промена на данок таа треба да биде навремено најавена“, посочи Зоран Заев.
Таргет на Владата е до крајот на мандатот барем 75 посто од овие парафискални давачки да ги отстраниме, истовремено ќе имаме и одредено намалување на даноци се со цел стимулирање на економијата.
Една од првите грижи на владата како што рече Заев ќе биде и спречувањето на отпуштањата на вработените од страна на работодавачите по завршување на мерката што ја нудеше државата за зачувување на работните места. Според него во иднина најверојатно ќе се продолжи и со употребата на Платежните Картички бидејќи како што рече Заев тие се голема поддршка за ранливите категории.