Деаноски: Владата е контрадикторна, од една страна признава дека имаме мали плати, од друга страна викаат ние не можеме да ви дадеме ништо!

Во денешното гостување во емисијата „Дејли Клик“ на ТВ21, Трпе Деаноски, претседател на УПОЗ вели „Владата е контрадикторна сама на себе, од една страна признава дека платите се многу мали, од друга вели дека не може да даде ништо“.

-Владата е контрадикторна сама на себе. Од една страна признава дека платите на овие вработени кои се на улица се многу мали, потенцираат и од Влада и од самите министри тоа го кажуваат, од друга страна викаат иако ви се мали платите ние не можеме да ви дадеме ништо. Јас не верувам во тоа дека не можат да дадат нешто искрен да бидам секогаш во буџетот можат да се најдат средства да се покачат примањата на вработените, сепак бараме додаток на плата не бараме нели плата во покачување на платата во износ на 30%, мислам дека Владата поради тоа што не може да даде никаков одговор што гледа дека самата не е во право не знае што да каже па мора да каже дека има политичка заднина на овие протести што апсолутно не е точно, вели Деаноски во Дејли Клики на ТВ21.