Во Гостивар водата е пуштена во употреба, но едно село во оваа општина се соочува со сериозен недостиг на вода за пиење. Околу 90 отсто од Дебреште нема вода за пиење од почетокот на годината, тврдат од селското здружение, кое функционира и како месна заедница. Според Берат Салиу, 10 отсто од селото кое има вода се снабдува од планината, но таа вода не е за пиење!
„Сега, тоа е вода што доаѓа од планината и не знам од какви извори и каква вода се внесува во тој базен. Така што, ние не ја снабдуваме, а за среќа ја имавме и со последиците од оваа пандемија што се случи. Сепак, останатиот дел, каде што се наоѓаат 90 отсто од жителите на селото, се снабдува од градот, каде што има две главни мрежи: едната доаѓа од магистралниот пат, а другата што ние ја нарекуваме патот за Издеглавје, доаѓа од горниот дел“, изјави Берат Салиу од здружението „Дебреште“.
Тие најавуваат дека доколку општинските власти не преземат итни мерки, протестите ќе продолжат со блокирање на главните патишта и институциите.
„Ако не се земе предвид состојбата во Дебреште по сето ова што се случи, ако не ја сфатат сериозно нашата состојба, бидејќи сè уште немаме вода за пиење, ниту техничка вода, како што тие ја нарекуваат, протестите ќе бидат помасовни. Тоа значи дека ќе има и блокада на главните магистрални патишта, автопатот, но можеби и на други институции кои раководат со Општина Гостивар“, изјави Берат Салиу од здружението „Дебреште“.
Жителите велат дека за да се снабдат со вода, принудени се да патуваат до соседните села или да плаќаат илјадници денари за вода што се доставува со цистерни.
– Овде стана пустош. Ова село го оставија во катастрофална состојба. Значи, од шестиот месец [јуни] до денес сме во ваква состојба. Ставивме буриња, одиме да ги полниме, чекаме цистерни, ни донесоа вода со цистерна, ни ја истурија. Така што сами, со трактори и буриња, плаќаме по 25 евра за едно буре.
– Мислам дека немам вода за пиење од јануари. Еве, три месеци немаме ниту еден час, ниту една секунда. Велат дека ја пуштаат водата. Ние воопшто немаме вода, вода чуваме во буриња, постојано чуваме вода во буриња.
– За полнење одам до градината и полнам. Полниме за да имаме, со пумпа, со сè што треба. За пиење одиме да полниме во Врапчиште.
На 19 јуни жителите на Дебреште протестираа пред Општина Гостивар со празни кофи и повици за вода, барајќи итно решение за недостигот на вода за пиење и најавувајќи нови протести. За време на протестот беше скршено и едно стакло на влезот од општинската зграда, по што ситуацијата се смири.
Од Општина Гостивар тој ден соопштија дека проблемот со водоснабдувањето во еден дел од селото трае со децении и дека започнале работи за изградба на нова водоводна линија и санација на изворот над селото, со цел зголемување на капацитетот и обезбедување долгорочно решение.