Се освежуваат пред натпреварот во Бугарија. Фудбалерите на Македонската репрезентација денеска го почнуваат циклусот натпревари од Лигата на нации. За 11 дена избраниците на тренерот Милевски ќе одиграат 4 натпревари. Во Разград, Бугарија, репрезентацијата ќе ја предводи капитенот Енис Барди. Но што значи за Барди капитенската лента.
„Последен пат кога бев капитен дадов 3 гола“, вели Енис Барди.
Барди е свесен дека ќе биде многу тешко да се одиграат толку многу натпревари за толку краток период, но вели дека екипата има капацитет и квалитет.
„Првиот натпревар е прв натпревар, треба да го дадеме максимумот за да почнеме со “десна нога“ и се надевам дека овие 4 натпревари ќе бидат добри. Иако времето е многу кратко, верувам дека имаме доволно играчи и квалитет за да ги поминеме сите 4 натпревари“, додаде Енис Барди.
Тренерот Боби Милевски како и секогаш е приземен. Вели дека на овие натпревари нема фаворит и дека фаворитот се докажува на терен.
Поради повреда на овој натпревар ќе отсуствува Стефан Ристовски, како и Аријан Адеми.
По натпреварот со Бугарија, Македонија во недела се соочува со Гибралтар, на 9 јуни во Скопје ќе ја пречека Грузија, а на 12 јуни повторно се сретнува со Гибралтар.