Кај ова дете е дијагностициран аутизам и се лекува во центарот за аутизам во Кичево.
На почеток не можело да прави ништо, но сега успева да ги разликува бројките, буквите и плодовите.
Како што може да се види, децата со аутизам прават повторени и неконтролирани движења на рацете, што е и еден од главните знаци на аутизмот, но има и недостиг на контакт со очи, вели дефектологот Дјелза Челику.
„Пред 2 годишна возраст, кога почнува контактот со очи вообичаено овие деца избегнуваат контакт со очи и со други лица и со родителите и одат на другиот агол од собата, ова родителите не го сфаќаат како симптом туку сметаат дека детето им е срамежливо, а тоа е еден од првите симптоми н а аутизмот“, вели Дјелза Челику.
Аутизмот е нарушување, состојба која не може да се излекува целосно но со разни третмани може да се држи под контрола, иако лекувањето е многу комплексно и долго, вели дефектологот Блендиана Џамбази.
„Има разни третмани кои се користат кај овие деца зависно од целта што сакаме да ја постигнеме и во која сфера сакаме да работиме повеќе, на пр. Имаме родители кои сакаат помош за благосостојбата и здравјето на детето, има деца кај кои треба да се работи на емоционалната состојба, комуникацијата или социјализацијата со другите деца, има деца кои не зборуваат и тука користиме и логопедска терапија, терапија на проблемот и состојбата на телото како и флор-терапија“, додава Блендиана Џамбази.
Предрасудите во нашата земја се причина многу семејства да не бараат помош и терапија за децата, особено родителите од постарите генерации, а во последно време овој феномен е сменет кај младите родители кои не се колебаат да побараат помош за рано лекување.
„Вообичаено родителите кои имале дете со аутизам и се помлади, се по информирани за симптомите и причините и го праќаат детето на третмани и терапии на дефектолог, но родителите кои се повозрасни не се толку информирани и се двоумат да ги пратат децата на лекување“, посочи Дјелза Челику .
Аутизмот има 11 главни симптоми кои се разликуваат кај децата до 3 годишна возраст. Има неколку хипотези, дека аутизмот може да биде последица на вродени биолошки фактори, стекнати причини, околината каде што расте детето, но всушност ниедна не е конкретно потврдена. Во Македонија бројот на деца со аутизам е видно зголемен иако нема точни бројки, бидејќи многу од децата не се дијагностицирани.