Ниту возраста, ниту времето, ниту местото не треба да станат пречка да се проба нешто поинакво.
Овие две џиновски тикви кои ги гледате ги засадил и одгледал Зенел Џафери од кичевското село Црвица.
Тој има 77 години и живее со сопругата. За да помине времето, тој одгледува овошје и зеленчук кои кај нас не е лесно да се најдат.
Тој го добил семето за садење на овие две тикви во Канада пред 10 години. Ги засадил во мај, бидејќи како што вели температурите за раст и развој на оваа тиква треба да бидат над 25 степени.
-Ова семе е донесено од Канада пред 10 години, потоа направивме тиква и ме замолија повторно да го засадиме и на крајот на мај го засадивме затоа што пролетта доаѓа доцна овде, по други места како Скопје, Струмица, Гевгелија еден месец подоцна, затоа и немаат толку голем успех. Олку пораснаа, на 3 дена ги полевав, вели Зенел Џафери.
Пред 12 години одгледувал голема тиква, но вели дека раната пролет и топлото време годинава помогнале да растат повеќе од оние од пред неколку години.
-Да, беше пред неколку години, пред 12 или 13 години, но овие се многу поголеми од тие тогаш, вели Зенел Џафери
ТВ21: Што мислите, колку килограми тежат?
-Проценете вие. Вие сте новинари, многу ве сакам, но за што зборувате вие, јас не зборувам. Треба да бидат некаде околу 250 кг, можеби и повеќе, бидејќи ширината е блиску до 80 см и полни се со вода, вели Зенел Џафери
Не планира повеќе да сади, бидејќи како што вели годините си го прават своето, но тој е подготвен да го даде семето на секој што сака да го засади.
-Ова е последно, тој што сака може да дојде да земе од семето и да сади, вели Зенел Џафери
Чичко Зенел засадил и грав, домати, пиперки, овошје и друг вид зеленчук, откако ќе созреат ги бере и ги дели на роднини и пријатели.