Димитриевски: Оваа Влада никогаш нема да прифати влез со ЕУ ако се нарушува дигнитетот, јазикот, историскиот континуитет, Македонецот и независната држава

По средбата со Михалис Рокас, Максим Димитриевски во „Клик Плус“ на ТВ21 коментираше за членството на земјата во ЕУ и решавање на спорот со Бугарија.

Тој рече дека ЕУ сака да бидеме нивна членка, но оваа Влада нема никогаш да дозволи влез ако се нарушуваат националните интереси.

„Нѐ сакаат луѓето да сме во ЕУ, тие нѐ посакуваат, но сметам дека го посакуваат тоа да се случи час поскоро, но внимавајќи да не ги загрозат правата на нивните членки. Ние не сме на масата, тие се. Моите барања се да вршиме поголем притисок врз официјална Софија. Бугарската страна мислам дека го затвори прашањето. Имавме претходно влада која не сакаше да ја слуша јавноста, ниту експертите и надвор од волјата на граѓаните не стави во подредена состојба. Оваа Влада никогаш нема да прифати влез или почеток на преговори ако се нарушува дигнитетот, јазикот, историскиот континутет, Македонец и независна држава“, рече Димитриевски.