Експлозии одекнаа во складиште за муниција во градот Билина во регионот Теплице во северозападна Чешка, јави прашкиот весник „Млада Фронта Днес“.
Магацинот е во сопственост на чешката полиција. Според првичните податоци, нема жртви.
Пожарникарите кои пристигнаа на местото на несреќата сè уште не можат да го изгаснат пожарот и постои можност за нови експлозии.
Евакуирани се жителите на куќите лоцирани во радиус од половина километар од магацинот. Влезот во Билина, со околу 17.000 жители, е блокиран од полицијата.