Поп-пејачката Елена Ристеска го одбележа својот 40-ти роденден со емотивна порака на социјалните мрежи, споделувајќи размислувања за животот, благодарноста и годините што следуваат.
Во објавата, таа истакна дека утрото го започнала со чувство на благодарност за сите честитки кои ѝ пристигнуваат од нејзините фанови и пријатели. Ристеска нагласи дека е благодарна за сè што има и за можностите што ги добила во животот, како и за луѓето кои биле покрај неа изминатите 40 години.
„Благодарна за сите луѓе кои се до мене овие 40 и за сите кои ќе бидат до мене наредните 40 години“, напиша таа, додавајќи дека во следниот период ќе треба да биде „посериозна“, алудирајќи на фотографиите што ги споделила во објавата.
Нејзината искрена порака предизвика бројни реакции и честитки од јавноста, а фановите ѝ посакаа здравје, успех и уште многу музички достигнувања во годините што доаѓаат.