Министерот за здравство, Венко Филипче на прес-конференција денеска коментираше за отворањето на границите без ПЦР тест кое стартува од понеделник.
„Многу мал процент до 3% се заразиле надвор. Во таа смисла транзит преку границите согласно нашиот договор сметаме дека не е ризик, затоа што е слична или иста епидемоилошката ситуација, и секаде важат речиси истите мерки. На почетокот на кризата многу малку се знаеше за вирусот, и затоа беа тогаш мерките од карантини и ограничување во движењето. Секаде се препорачуваат маските и дистанцата. И само така може да ја пребродиме зимата“, изјави Филипче кој коментираше и за престојниот викенд кој е најавен за викенд без ДДВ каде постои ризик за групирање на граѓаните.
„Најавениот викенд без ДДВ не е ризик, затоа што има протоколи. Никаде во продавниците нема да се пуштаат поголема група, ќе носат маски и тоа е доволно“, рече Филипче.
На новинарско прашање кој ќе ги контролира домашните собири, Филипче одговори.
„Тоа е предизвик голем. Свесни сме дека еден сериозен дел од тоа како ќе се спроведува мерката паѓа на самите граѓани. Граѓаните да се свесни зошто го препорачуваме. Технички и формално по пријава може да реагираат Инспекторатот и полицијата, но многу е важно граѓаните да сфатат. Голем ризик се престојните слави, но верувам дека граѓаните ќе бидат свесни и ќе се воздржат од нивно организирање“, рече министерството за здравство.