Министерот за здравство Венко Филипче, потсети дека сега е исклучително важно да се почитуваат мерките, бидејќи следува пикот на вирусот кој се очекува на крај на април.
„Сите сме свесни дека ова е сериозен влог за подобро здравје утре. Сметам дека навремено се воведени мерки, тие стануваат порестриктивни и го амортизираат засега ударот врз здравствениот систем. Да се даде поддршка на мерките. Знам дека е тежок период, сите сме навиканти да бидеме надвор на ова убаво време, но ова мора да се издржи и да се седи дома. Потоа ќе може да кажеме дека сево ова вредеше, кога ќе се вратиме на нормален колосек“, рече Филипче.