Пожарите денеска продолжуваат да се шират низ Франција, пред сѐ во регионот Жиронда, каде што огнената стихија од минатата среда досега уништила 42.000 хектари површина и принудила на евакуација околу 220.000 луѓе. Поради сериозноста на состојбата, францускиот претседател Емануел Макрон за денеска свика состанок на меѓуресорскиот кризен штаб.
Во пожарите се повредени 84 пожарникари и спасувачи, соопшти синоќа префектурата на Жиронда, пренесува денеска BFM.
Пожарите сè уште не се ставени под контрола ниту во другите делови на земјата, меѓу кои Горна Корзика, Вар, Високите Алпи и Ланд.