Вода од дождовите, отворени дупки насекаде, кал по тротоарите и возила паркирани без ред.
Ваква е состојбата во Кичевската болница. Така е со години, а во последно време ситуацијата е уште полоша.
„Снимките што ги видовте покажуваат каква е состојбата во дворот на Кичевската болница, додека се чека изградбата на новата болница. Старата болница, односно дворот на старата болница, беше оставен во ваква состојба“, пренесува репортерката на ТВ21, Салија Садику-Пињоли.
За оваа состојба ТВ21 стапи во контакт со директорката на Општата болница, Маја Цветановска Трајковска, која изјави дека се работи на решавање на проблемот.
„Пред извесно време започнавме со уредување на паркингот зад одделението за интерна медицина. Се наоѓаме во завршна фаза и поголемиот дел од недостатоците ќе ги санираме напролет; поради временските услови направивме прекин. Што се однесува до возилата, веќе започна воведување ред на влезот, со рампа, и поголемиот дел ќе биде уреден. Оваа пролет ќе се среди најголемиот дел“, изјави Маја Цветановска Трајковска, директорка на Кичевската болница.
Да потсетиме, новата болница во Кичево, чија изградба започна пред повеќе децении, нема да се изгради, бидејќи, како што изјави министерот за здравство пред извесно време, таа не ги исполнува потребните услови. Затоа, властите најавија нова локација и изградба на целосно нова болница од темел.