Либанската група Хезболах во соопштение соопшти дека истрелала „100 ракети Катјуша“ врз две израелски позиции во Голанската висорамнина, откако во израелски напад во јужен Либан загинал еден од нејзините највисоки команданти, пренесува Ал Џезира.
Борците на Хезболах го нападнаа штабот на дивизијата Голан во касарната Нафах и штабот за воздушна и ракетна одбрана во касарната Кеила „како дел од одговорот на нападот и атентатот извршен од непријателот“ во јужниот крајбрежен град Тир.
Групата објави дека ова е шести напад извршен врз израелските позиции по убиството на Мухамед Нимах Насер, познат и како „Хаџ Абу Нимах“, и неговиот телохранител.
Според Ал Џезира, убиството на истакнат командант му нанесе значаен удар на Хезболах и покажува дека Израел е во позиција да навлезе во либанскиот воздушен простор и да изврши такви напади со беспилотни летала.
Убиениот командант бил началник на единицата Азиз, која контролира една од трите области во јужен Либан. Убиството се случи помалку од еден месец откако Израел уби уште еден висок командант на Хезболах, Абу Талеб, во воздушен напад.