Претседателот на Европската демократска партија, Арјанит Хоџа вечерва во „Клик Плус“ ја коментираше средбата меѓу лидерот на ВМРО-ДПМНЕ, Христијан Мицкоски и Арбен Таравари, дел од коалицијата Вреди, за која рече дека без пратеници и мандати не може да се зборува за Влада.
Тој вели дека средбата Мицкоски-Таравари може да биде само оправдано ако Вреди решиле да го поддржат кандидатот на ВМРО за претседател.
„Колку и симболично да зборуваме како Европски фронт во овој период, за жал од ден на ден се докажува дека нашите оценки за целиот овој политички процес, вклучително и девијации и аматеризам на албанската опозиција, се докажуваат на дело преку овие појави. Моментот кога немате пратенички мандати, кога сте 3 дена или 2 дена пред избори и се знае дека владата е составена од пратеници, таа е составена од мандати, единствената форма која може да го оправда објавувањето на оваа фотографија е ако претставниците на Вреди решиле да го поддржат кандидатот за претседател на ВМРО-ДПМНЕ, што за нас не е нешто ново, не е изненадување. Но, верувам дека по целата оваа кампања, како во првиот круг на претседателските избори, така и во овој циклус од предизборната кампања за парламентарните избори, се докажа дека, навистина, политичката понуда на албанската опозиција на Граѓаните беа заменети само со милоста на Мицкоски или ВМРО-ДПМНЕ да биде дел од која било власт која ни Мицкоски не знае како ќе ја оправда на 8 мај“, рече Хоџа.