Инспекторатот на Град Скопје вчера спровел координирана инспекциска акција на неколку локации во главниот град, при што биле отстранети нелегалните улични продавачи во околината на Клиничкиот центар, Зеленото пазарче и Буњаковец.
Акцијата била реализирана во соработка со Државниот пазарен инспекторат, Агенцијата за храна и ветеринарство и Инспекторатот на Општина Центар.
Од Град Скопје информираат дека целта на контролите е воспоставување комунален ред, спречување нелегална трговија, заштита на јавните површини и создавање еднакви услови за сите трговци кои работат согласно законите.
„Нема да дозволиме узурпирање на јавните површини и нивно користење за нелегална продажба“, порачуваат од Град Скопје.
Оттаму најавуваат дека инспекциските контроли и координираните акции ќе продолжат и во наредниот период, со цел зачувување на комуналниот ред и почитување на законите на целата територија на градот.