Иран продолжува да инсистира на своите барања за отворање на стратешки важниот Ормуски теснец.
Портпаролот на иранското Министерство за надворешни работи, Исмаил Багаеи, изјави дека Иран нема повторно да го отвори Ормускиот теснец додека САД не ги исполнат условите на Техеран.
„Американската страна е таа што треба да престане и да ги исправи своите незаконски и деструктивни постапки“, изјави Багаеи во понеделникот, осврнувајќи се на американската блокада на иранските пристаништа.
Иран бара САД да ја укинат блокадата, да исплатат отштета за штетата предизвикана во текот на повеќемесечната војна, да ги укинат економските санкции и да ги одмрзнат замрзнатите ирански средства.
Затворањето на Ормускиот теснец, низ кој вообичаено се транспортира околу една петтина од светските тргувани резерви на нафта, предизвика сериозни последици на глобално ниво.
Застојот доведе до тоа цените на енергенсите да останат меѓу главните политички прашања во САД во пресрет на конгресните избори што ќе се одржат во ноември.
Иран води одделни разговори со Оман за можноста за премин низ теснецот, вклучително и за евентуално воспоставување привремен коридор за поморскиот сообраќај.
Сепак, Техеран порача дека целосното повторно отворање на теснецот зависи од преговорите со САД.