Многу млади луѓе ја напуштаат земјата или одат од еден во друг град за подобар живот, но последиците од тоа ги чувствуваат и постарите кои остануваат сами дома и без грижа.
„Домашна грижа за стари лица“ е името на програмата на Светска банка во соработка со Министерството за труд и социјална политика каде преку Црвениот крст испраќаат обучени и сертифицирани негуватели да се грижат за старите лица кои живеат сами и се без грижа.
Во Кичево има околу 56 стари лица кои ја користат оваа услуга за нега, а една од нив е Даница Атанасовска, која е презадоволна од оваа програма и ужива во тоа што има човек кој се грижи за неа и поминува неколку часа неделно заедно со неа.
Во Кичево има 20 негуватели кои се грижат за стари лица. Ова е Милена Матевска, една од негувателките каде, како што вели мајка Даница, не може да функционира без Милена.
Ана Божиновска, координатор на проектот, вели дека корисниците се задоволни и дека сметаат дека оваа програма ќе продолжи и понатаму.
Долга е листата на чекање за згрижување стари лица, вели Ивана Лазеска од Црвениот крст.
Во Кичево нема старечки дом каде што истите луѓе би можеле да престојуваат и да добијат соодветна грижа, па оваа програма која функционира веќе 2 години во Кичево ги израдува старите лица.