Министерот за здравство Азир Алиу информира дека на ЕНЕР се објавени предлог измените на Законот за трансплантација, со цел поедноставување на постапките за на донирање органи.
Главната промена е тоа што граѓаните ќе можат да дадат согласност за донори преку својот матичен лекар, а се предвидува и создавање на национална листа на донори за потранспарентен и поефикасен систем.
Исто така, се предвидува воспоставување национална листа која ќе ја води Министерството за здравство во рамки на Националниот систем за електронска евиденција во здравството, како и други административно-технички усогласувања на законскиот текст.