Ви носиме рецепт со кој ќе научите да го правите најдобриот и највкусниот домашен леб!
Има ли нешто подобро од свеж и топол домашен леб? Малкумина се оние кои можат да му одолеат!
Иако многумина мислат дека е комплицирано да се направи домашен леб, она што треба да го знаете е дека не мора да сте пекар или искусна домаќинка за тестото и лебот да ви испаднат фантастично. Со едноставен рецепт замесете тесто и направете мек домашен леб. Нема да го купите повторно, а толку е вкусен што веднаш ќе го изедете сето тоа. Од оваа количина на состојки ќе добиете 4 леба, а ако додадете сад со вода во рерната, ќе биде неверојатно мека.
СОСТОЈКИ:
300 мл топла вода
1 кесичка сув квасец
1 лажица шеќер
1 лажичка сол
420 гр брашно
ПОДГОТОВКА:
Додадете квасец, шеќер и сол во топла вода. Добро измешајте да се соединат состојките, па постепено додавајте го брашното. Соединете со шпатула и месете малку со рацете. Тестото треба да биде лепливо и меко. Покријте и оставете го да отстои 40 минути. Тестото префрлете го на набрашнета површина и кратко замесете. Потоа поделете на 4 дела и обликувајте топчиња.
Секоја топка обликувајте ја во ролна. Се ставаат на плех обложен со хартија за печење и се покрива, па се остава да отстои 20 минути. Се сече на средина, па се премачкува со вода и се посипува со брашно. Ставете сад со вода на дното од рерната и ставете го плехот на решетката. Се пече во загреана рерна на 200°C околу 35 минути.