Канада ќе ги забрза напорите за намалување на економската зависност од Соединетите Американски Држави, изјави премиерот Марк Карни.
Неговата изјава доаѓа откако стапија во сила канадските возвратни царини за американски стоки во вредност од околу 20 милијарди долари. Канада сега го очекува одговорот од американскиот претседател Доналд Трамп.
Карни рече дека четири децении длабока економска интеграција ги направиле двете земји премногу зависни една од друга, истакнувајќи дека во многу случаи САД барале зависност, а не вистинско економско партнерство.
Според него, канадската влада ќе се фокусира на зголемување на инвестициите, развој на инфраструктурата и проширување на трговските партнерства со други земји.
Карни призна дека американските мерки ќе имаат последици на краток рок, но рече дека недејствувањето би било уште поскапо.
„Ја насочивме економијата кон сигурни партнери. Тоа време заврши“, рече Карни.