ТВ21 се вклучи во живо од пред штабот на СДСМ во Штип каде се обрати и кандидатот за градоначалник и доктор Сашко Николов.
Тој најпрво ги повика сите оние кои ги бојкотирале изборите да дојдат и да понудат помош со цел да ја направат оваа општина како што треба.
„Штип е град на сите штипјани и тоа така ќе остане, кој од која политичка партија е тоа не не интересира, важно е дека СДСМ ќе го води Штип напредните 10 месеци и уште 4 години“, порача Николов.
Тој додаде дека како прва работа која ќе ја направи како градоначалник на Штип е тоа да формира фонд со цел секој граѓанин да добие заштитна маска по што, како што рече, ќе се зафати со сите инфраструктурни проблеми, но и со реализација на сите проекти кои се во тек.