Кина најави значително зголемување на царините за американски производи – од досегашните 84 на 125 отсто – како одговор на најновите трговски мерки преземени од Вашингтон. Ова го соопшти Царинската комисија при Државниот совет на Кина, нагласувајќи дека се работи за реципрочна мерка поради, како што наведуваат, „неосновано високи царини“ наметнати од САД.
„На 10 април 2025 година, американската влада објави дека „реципрочните тарифи“ за кинеските стоки што се извезуваат во САД дополнително ќе се зголемат на 125 проценти. Воведувањето на ненормално високи царини од САД за Кина сериозно ги прекршува меѓународните економски и трговски правила, основните економски закони и здравиот разум, објаснувајќи ја целосната одлука.
Царинската комисија соопшти дека новите стапки стапуваат на сила од утре, 12 април и дека повеќе нема да одговараат на поскапувањата од американска страна.
„Доколку САД продолжат да воведуваат царини за кинески стоки што се извезуваат во САД, Кина ќе го игнорира тоа“, се додава во соопштението.