Промената на бројот на пратеничките мандати не игра никаква улога во легитимитетот кој треба да ги претставува Албанците во Владата. Ова беше ставот на првиот човек на Алијансата за Албанците Зијадин Села, дел од Европскиот фронт, неколку моменти по затворањето на гласањето во Ларце на Желино, и по објавените резултати, според кои ВРЕДИ успеа да му земе еден пратеник на Европскиот фронт. Како што изјави Села во Клик плус, разликата може да биде само околу 300 гласа и тоа нема никаква улога во волјата што ја изразуваат граѓаните.
Европскиот фронт и понатаму има над 30.000 гласови разлика од ВРЕДИ. Денеска доколку тоа има голема тежина, вкупно 300 гласа, мислам дека не игра никаква улога во легитимитетот за којшто Албанците јасно се искажаа, поддржувајќи го Европскиот фронт и на изборите на 8-ми мај но и денес нели, рече Зијадин Села.
Села се грижи за тоа каде Албанците ќе ја црпат својата волја да гласаат на изборите, доколку не се почитува нивната волја. За ова, како што вели Села, или мора да се почитува принципот победник до победник, или да има двајца мандатари.
Затоа што во политичкиот блок во македонскиот политички кампус победникот го добива мандатот. Додека во албанскиот политички кампус, победникот нема мандат. Доколку би имало двајца мандатари, ова само по себе е друга форма на државно владеење. Или ќе се почитува принципот дека претставникот влегува во разговори со победникот од Албанците, или за ова зборував и порано, со закон треба да се регулира да има двајца мандатари, вели Села.
Од друга страна, коментирајќи ги изјавите на првиот човек на ДУИ, Али Ахмети, дека ВМРО-ДПМНЕ и СДСМ прават планови во црвени подруми на штета на ДУИ, првиот човек на ВМРО-ДПМНЕ во интервју за Ора 24, рече дека такви црвени подруми не постојат, но дека нивниот избор да коалицираат со ВРЕДИ е природна опција.
Новата влада како што најави Антонио Милошоски се очекува да се формира до 20 јуни, а најверојатно ќе биде составена од ВМРО-ДПМНЕ, ВРЕДИ и Движењето ЗНАМ. Сите вкупно би имале 78 пратенички мандати.