Се чисти дел од населбата Солунска во Кичево. ТВ21 пред неколку дена известуваше за отпадот во оваа населба кој го попречуваше дури и течението на реката.
-Откако жителите од населбата Солунска реагираа преку ТВ21 за ѓубрето на влезот од населбата и попреченоста на текот на реката поради фрлениот отпад, Комуналното претпријатие интервенираше и ја исчисти реката и еден дел од населбата. Жителите велат дека има и други делови од населбата кои не се исчистени и бараат од граѓаните да не фрлаат отпад, а од Комуналното претпријатие бараат да воведат санкции за лицата кои ќе фрлаат отпад-вели репортерката на ТВ21, Салије Садику.
Госпоѓата која беше загрижена поради искривениот тек на реката, го изрази своето задоволство бидејќи после толку време, населбата е исчистена.
-Од претпријатието поминуваат, а жителите со колички носат и фрлаат овде отпад, без никаква потреба го фрлаат овде. А вака сега е убаво, Благодарам за ова што го направивте, алал да ви е, зборував со главниот кој беше овде и рече дека ќе го измазнат теренот да нема дупки и ми рече дека ќе донесе камиони и булдожери за да го направат тоа.
Апелираше до нејзините сограѓани да бидат совесни и да не фрлаат отпад.
-Од граѓаните барам да бидат хумани и добри и да не фрлаат веќе отпад овде и вакво нешто да нема веќе.
Од Комуналното претпријатие на Кичево велат дека ќе продолжат со расчистување на отпадот и во другите населби од градот апелирајќи до граѓаните да не фрлаат отпад насекаде.
„Комуналец“ ја чисти населбата Солунска во Кичево, жителите апелираат да не се фрла отпад
НАЈНОВИ ВЕСТИ
