По повод денешното одбележување на 11 Октомври, денот на македонското востание, се огласи бугарскиот европратеник Андреј Ковачев. Тој по говорот на Заев од Куманово на својот профил на Фејсбук, напиша:
„Зошто на Заев му треба оваа антибугарска провокација токму сега? Србоман убива Бугарин, татко на три деца и роднина на Даме Груев. Ова се нарекува ‘народно востание’ и се прославува секоја година! Во ЕУ нема место за лагите и антибугарската идеологија“.
Заев подоцна од Пробиштип истакна дека можеби ќе треба македонските граѓани да се подготват дека ќе нема меѓувладина конференција, и со тоа нема да почнат преговорите за членство на Македонија во ЕУ. Исто така додаде дека ќе најде решение со „братот“ Бојко за сите отворени прашања.