Кралицата Елизабета Втора за првпат излезе на прошетка со своите кучиња по неколку седмици здравствено опоравување. Нејзиното височество е страстен љубител на своите „велшки коргија“ и вообичаено не пропушта прошетка со нив.
Кралицата последниве седмици успешно заздравува од Ковид. Сепак, според лекарите од Виндзор, дневникот на доллжности на Нејзиното височество ќе биде „суштински ревидиран“ и таа веројатно нема да им се врати на своите главни обврски кон пошироката јавност.
Извори од кралското опкружување тврдат дека Елизабета Втора е во добра здравствена состојба, но веќе ја мачат „слабостите кои доаѓаат со долговечноста“.
Кралицата ќе го прослави својот 96. роденден на 21 април годинава.