Крис Папас влезе во историјата како првиот маж кој јавно се изјаснил како хомосексуалец и бил избран во Сенатот на САД, по победата на изборите во ноември 2026 година. Тој воедно е и првиот хомосексуален сенатор што ќе ја претставува сојузната држава Њу Хемпшир.
Папас, 46-годишен демократски конгресмен, го победи републиканскиот кандидат и поранешен сенатор Џон Е. Сунуну во трката за сенаторското место кое го напушта демократката Џин Шахин.
Со победата, Папас ќе го задржи местото во рацете на демократите, а функцијата треба да ја преземе во јануари 2027 година.
Тој е член на Претставничкиот дом од 2019 година, каде што го претставува првиот конгресен округ на Њу Хемпшир. Претходно извршувал и други јавни функции во сојузната држава.
Во обраќањето пред поддржувачите по прогласувањето на победата, Папас му се заблагодари на сопругот Ван Бентли, кого го нарече човекот што секогаш бил покрај него.
„Најсреќниот човек сум затоа што сум во брак со маж кого го сакам“, изјави Папас, додавајќи дека „љубовта и вистината победија“.
Неговата победа претставува историски момент за застапеноста на ЛГБТИ-заедницата во американската политика. Досега, отворено хомосексуални жени биле избирани во Сенатот, но Папас е првиот маж кој јавно се декларира како геј и добива место во оваа институција.