Претседателот на општина Чаир, Изет Меџити, соопшти дека на плоштадот „Скендербег“ во Скопје ќе биде изградена библиотека-читaлна, пренесува ТВ21.
Меџити изјави дека ќе се искористат постојните метални конструкции над плоштадот, односно куполите.
„Нашата цел е просторот над плоштадот ‘Скендербег’, каде што постои конструкција со потенцијал за трансформација, да добие нова културна и образовна функција. Сакаме тој простор да се претвори во модерна читална и библиотека“, изјави Меџити.
Тој додаде дека Саемот на албанската книга во Чаир отсега ќе се одржува секоја година и ќе стане традиционален настан.
„Од еден настан, кон трајна институционална и просторна вредност, а саемот ќе биде традиционален од сега па натаму“, истакна Меџити.