Лебот, зејтинот и брашното тип 400 од денеска се продаваат без профитна маржа. Трговците имаат обврска да ги продаваат овие производи по набавна цена од производителите до 31 мај. Бектеши рече дека трговците и пазарите нема да имаат загуби бидејќи се работи само за 3 производи, едноставно нема да имаат профит.
Ќе се намалат и профитните маржи за останатите прехранбени производи. Ограничената трговска маржа се намалува од 10 на 4% во трговијата на големо и од 5 на 3% во трговијата на мало со овие производи.
Од денеска земјава забрани извоз на масло за јадење во сите земји, за да има доволно за локалните потреби. Бектеши рече дека за само 8 дена во соседните земји и ЕУ се извезени 330 тони масло за јадење.
„Доколку биде потребно, земјава ќе престане да извезува брашно, пченка и пченица, бидејќи побарувачката за овие производи расте, особено од Грција. Ограничената маржа ќе биде отстранета за овошјето и зеленчукот бидејќи анализите покажаа дека цените на овие производи ќе се намалат“, вели Бектеши.