Пожар избувна рано утрово на палуба на товарен траект што пренесувал возила, додека пловел северно од грчкиот остров Миконос, а 29 лица, од кои 28 членови на екипажот и еден патник биле безбедно евакуирани и пренесени на островот Тинос.
Како што информираа од крајбрежната служба на Грција, на траектот што пловел под грчко знаме и сообраќал на редовна линија, од засега непознати причини избувнал пожар, а интервенираат патролни бродови, бродови на противпожарната служба, како и реморкери.
Гаснењето на пожарот е во тек, а според грчките медиуми на траектот има 166 камиони и 29 автомобили.