Претседателот на Белорусија, Александар Лукашенко, изјави дека потенцијалното влегување на неговата земја во војната ќе доведе до тешка ситуација, предупредувајќи дека опстанокот на земјата може да биде загрозен.
„Ако одиме во војна, ќе биде тешка ситуација. Можеби нема да можеме да опстанеме како држава. Затоа правам сè со трпение и истрајност, како што не учи Господ и црквата“, рече Лукашенко, нагласувајќи дека странските „злосторници“ се обидуваат да ја убедат Белорусија да се вклучи во конфликтот.
Тој, исто така, го обвини украинскиот претседател Володимир Зеленски дека постапил по наредба да ја вовлече Белорусија во војна, пренесува белоруската агенција Белта.
Лукашенко потсети на неодамнешната изјава на Зеленски во која тој извикуваше „Да живее Белорусија!“.
„Искрено кажано, тој рече дека овие слогани наскоро ќе се зборуваат низ Белорусија. Јас го сфатив тоа како навестување дека ситуацијата овде може да стане слична на онаа во Украина. Мислев, не дај Боже“, додаде Лукашенко.