Milani nuk heq dorë nga Ibra

Përkundër faktit që transferoi dy sulmues të nivelit të lartë, Carlos Bacca dhe Luiz Adriano, Milani vazhdon të kërkojë edhe për një emër të madh në sulm, rikthimin e Zlatan Ibrahimovic.
Ylli i Paris Saint-Germain vazhdimisht ka qenë i lidhur me një largim nga kryeqyteti francez gjatë këtij afati kalimtar të transfereve, teksa ‘rosonerët’ vazhdojnë të këmbëngulin në transferimin e tij.
Sipas La Reppublica, shtatë herë kampionët e Evropës janë të gatshëm t’u dërgojnë një ofertë prej 21 milionë funteve francezëve për 33-vjeçarin.
Në anën tjetër, vetë agjenti i lojtarit në fjalë, Mino Raiola disa herë ka deklaruar se klienti i tij është i lumtur në Paris, mirëpo sulmuesi para disa muajsh ka lënë të kuptohet se nuk është i lumtur në Francë.