Прашан за злоупотребените 57 милиони евра за 11 споменици, од страна на екс функционери од редовите на неговата партија, лидерот на ВМРО-ДПМНЕ, Христијан Мицкоски, смета дека овој случај има за цел да ја дефокусира јавноста. Тој не одговори конкретно, туку овие злоупотреби ги спореди со поставениот споменик во Слупчане – Куманово, минатата година. Мицкоски рече дека „Кулата на Борците„ која е поставена во чест на ОНА, со средства од Општина Липково е дивоградба и го повика обвинителот во случајот Феникс да покрене и предистражна постапка и за спомениците во Колари и Зајас.
Во врска со споменатиот случај реагираа од СДСМ. Велат дека со тие 57 милиони евра кои ВМРО-ДПМНЕ ги злоупотребила, можело да се изградат 33 нови градинки ширум земјата.
Во последниот случај „Феникс“ и отворената истрага од Обвинителството 15 лица се осомничени, меѓу нив и високи поранешни функционери на ВМРО-ДПМНЕ. Тие се товарат за злоупотреба на 57 милиони евра, пари на граѓаните, за 11 споменици од проектот Скопје 2014.