Иако вети дека ќе зборува за плановите во врска со изградба на улиците во Синѓелиќ, градоначалникот на општина Гази Баба се премисли. Не одговара на повиците од ТВ21. Пред да го изберат жителите за градоначалник ги критикуваше локалните власти дека молчат и не работат.
А сега и самиот тој молчи. Но на социјалните мрежи може да се види што ветил градоначалникот на оваа општина пред 3 години.
Пред три години откако беше избран за градоначалник на Гази Баба вети дека ќе ја асфалтира секоја уличка.
Но населбата Синѓелиќ е изгледа заборавена од општинските власти. Градоначалникот објави планови но истите не ги реализира.
Снимките покажуваат дека каналот е отворен и дека и натаму се шири лоша миризба.
Жителите го гледаат градоначалникот само кога тој го бара нивниот глас пред избори.
„Апелираме до градоначалникот кој ни ги зеде гласовите кога беше гласањето за Борче Ѓеорѓиевски за градоначалник на Гази Баба, и ние сме луѓе како и тие од другата страна“, вели Васуф Демири.
„Нашата мака е тоа што населбите каде што живеат Албанци се исти како тие на Кандахар или Авганистан“, посочи жител.
„На оваа улица сум од ’70-те. Кога дојдовме тука немаше никаква улица, ние ја изградивме целосно со камен и чакал, сосема сами“, истакна Реџеп Авдиу.
Дали Ѓеорѓиевски ќе ја добие довербата на граѓаните на Гази Баба за уште еден мандат, останува да видиме за неколку месеци.