По најавата дека големите фудбалски клубови формираа Супер Лига и планираат да се натпреваруваат во неа, вртејќи го грбот на УЕФА, со реакција се јавија многу федерации, клубови, навивачи, екс фудбалери.
Главно сите се против ова натпреварување, односно дека не е потребно такво нешто.
Фановите на Ливерпул, Арсенал, Манчестер Јунајтед и другите тимови учесници во Супер Лигата се собраа пред стадионите, и го искажаа својот револт. Дури и на вечерашниот меч меѓу Лидс и Ливерпул, над стадионот се појави авион со транспарент: „Кажете не на Супер Лигата“.
Фудбалската федерација на Германија се јави дека е против, исто како и Лидс чии фудбалери излегоа со маички: „Фудбалот за навивачите“.
Реакциите на социјалните мрежи се исто така со негативни коментари за Супер Лигата. Исто така се јавија и поранешни играчи како Рио Фердинанд, Фил Невил и други легенди кои се против ова натпреварување.
УЕФА во петок најави состанок на кој ќе одлучува дали ќе ги суспендира трите тима од Лигата на шампионите: Манчестер Сити, Реал Мадрид и Челзи, кои најавија учество во Супер Лигата.
УЕФА гласно се спротивстави на оваа одлука, и најави суспензии.