„Мој термин“ под истрага за можна злоупотреба? – Меџити: Очекувам истрагата на онкологија да заврши што побрзо

ПОСЛЕДНИ ВЕСТИ

Освен во Онкологија, истраги и проверки се вршат и во други здравствени установи, тврди министерот за здравство Фатмир Меџити.

Тој не сподели многу информации за ова, бидејќи рече дека не сака да му наштети на процесот, но го спомна системот „Мој термин“.

Самиот министер признава дека пациентите се жалат дека на хируршките клиники нема слободни термини за интервенции, но работата се менува кога на лекарите ќе им понудат пари.

Што се однесува до скандалот во онкологија, Меџити очекува истрагата во Клиниката за онкологија да заврши што поскоро.

Меџити одржа брифинг со новинарите каде ги наброја истакнатите проблеми во здравството, како доцнењата со набавките, недостигот од кадар, недостигот од терапии, застарена апаратура, некористење на новата апаратура заради недостиг од специјалисти итн., за што вети решенија до крајот на мандатот.