Екс градоначалникот на Прилеп, Марјан Ристески, објави фотографии на социјалните мрежи од автомобилско масло во неговиот двор. Ристески напиша дека ова е уште една штета направена врз него во изминатите три години.
“Почитувани” сторители…сакам само да Ве поздравам. Синоќа пак сте ми направиле штета-фрливте автомобилско масло во мојот двор! Во рок од 3 години, два пати ми го демолирате автомобилот , а еве сега дојде ред пакост и на дворот да ми направите… или повторно ќе следува нова “дозирана”кривична пријава?… го научивме веќе редот!А,нели живееме во: “демократска”, “европска” и ‘НАТО” Македонија????
И наместо на градот и државата, Вие “господа” -4 години потрошивте на мене, исполнувајќи го само својот фрустриран “фетиш”… и ништо друго, а Прилепчани добија само УНАЗАДЕН ГРАД!
И еве уште еднаш да Ви укажам, не си го трошете времето со мене, нека не Ве прогонува постојано мојата “аура “и сè што имам направено за овој град…напротив, сето тоа требаше да Ви биде само поттик и репер,а не страв… да ме надминете и направите повеќе,да оставите траг по кој ќе Ве паметат граѓаните, затоа што го заслужуваат тоа!!!
Се надевам наредните,ќе успеат да ја исправат лошата слика и ги надминат вашите “севернокорејски” методи, враќајќи го демократскиот, натпреварувачки и вистински европски дух на градот, како што беше претходно!
УШТЕ ЕДНАШ ВИ УПАТУВАМ ГОЛЕМ ДРУГАРСКИ ПОЗДРАВ!!!П.С. Со сето ова, за овој целокупен моментален “европско-демокртатски” дух во Прилеп, ќе бидат запознаени сите амбасади-мои драги пријатели!“, напиша Ристески.
“Почитувани” сторители…сакам само да Ве поздравам 👋😊… синоќа пак сте ми направиле штета-фрливте автомобилско масло…
Posted by Марјан Ристески on Wednesday, March 10, 2021