Најмалку 15 непалски работници загинале откако лавина затрупала планински камп на Хималаите во централниот дел на Непал, кој работниците го подготвувале за странски планинари. Едно лице и понатаму се води како исчезнато, изјавил денеска Тул Синг Гурунг, претставник на непалските спасувачки служби.
Тој за „Ројтерс“ изјавил дека несреќата се случила во текот на викендот и дека станува збор за најтешката несреќа во текот на есенската планинарска сезона, која завршува овој месец.
Гурунг навел дека се мали шансите за пронаоѓање на исчезнатиот работник и дека спасувачката операција најверојатно наскоро ќе биде завршена.