ЗНАЕТО дека редовното вежбање помага да го одржиме нашето срце здраво, но дали утринското вежбање може да донесе повеќе придобивки од вечерните часови во теретана? Новото истражување покажува дека кај жените во 40-тите одговорот е да, пренесува US News.
„Најпрво, би сакал да нагласам дека физичката активност или занимавањето со некој вид на вежбање е корисно во секое време од денот. Повеќето упатства за јавно здравје целосно го игнорираат времето кога вежбаме, фокусирајќи се главно на видовите на вежбање и неговиот интензитет“, рече авторот на студијата Гали Албалак, докторант на Одделот за интерна медицина, Медицинскиот центар на Универзитетот Лајден во Холандија.
Намалување на ризикот од срцев и мозочен удар
Меѓутоа, нејзиното истражување вклучувало следење на активностите на испитаниците врз основа на информации за тоа кога вежбале во текот на денот – наутро, попладне или навечер. Сите учесници имаа уреди за следење на нивната активност, а во исто време се следеше и нивната здравствена состојба. Во текот на шестгодишниот период на студијата, приближно 2.900 испитаници развиле срцеви заболувања, додека околу 800 имале мозочен удар.
Споредувајќи ги срцевите „инциденти“ со времето на вежбање, истражувачите откриле дека жените кои примарно вежбале наутро, поточно во периодот меѓу осум и 11 часот наутро, имале помал ризик од срцев и мозочен удар, пишува US News.
Кај мажите не се забележани успешни резултати
Во споредба со жените кои биле најактивни подоцна во текот на денот, кај оние кои биле најактивни наутро било откриено дека ризикот од срцеви заболувања е помал од 22 до 24 отсто, додека ризикот од мозочен удар бил дури 35 отсто помал. Она што е особено интересно е фактот дека зголемениот бенефит од утринското вежбање не бил забележан кај мажите.
„Не најдовме јасна теорија која би можела да ги објасни овие добиени резултати и информациите зошто утринското вежбање делува кај жените, но не и кај мажите“, истакна Албалак, додавајќи дека ќе бидат потребни дополнителни истражувања за да се најде одговор на ова прашање.