Необична интервенција имале пожарникарите од ТППЕ Струмица на улицата „4 Јули“, откако родители пријавиле дека нивната малолетна ќерка со часови не одговарала на телефонските повици и не ја отворала вратата.
Бидејќи станот се наоѓал на четврти кат, пожарникарите со авто-скала пристапиле до терасата, по што влегле во станот.
Наместо опасност, ги дочекала неочекувана глетка – девојчето било безбедно и спиело длабоко, поради што не ги слушнало ниту повиците, ниту ѕвонењето на вратата.
Интервенцијата завршила со олеснување за родителите и без последици за девојчето.