ПО атентатот врз шефот на иранската безбедност Али Лариџани и командантот на паравоената единица Басиџ, Голамреза Солејмани, израелскиот премиер Бенјамин Нетанјаху ги повика Иранците да излезат на улиците за да го прослават својот традиционален фестивал на огнот.
„Во последните 24 часа елиминиравме двајца од врвните терористички лидери на режимот“, рече Нетанјаху од командниот бункер на воздухопловните сили во Кирја во Тел Авив.
„Нашите авиони ги таргетираат терористичките оперативци на земја, на раскрсници и на градските плоштади. Ова е за да им се овозможи на храбрите луѓе на Иран да го прослават Фестивалот на огнот“, рече тој на англиски јазик.
Netanyahu:
— The Daily News (@DailyNewsJustIn) March 17, 2026
In the past 24 hours, we knocked out two of the terrorist chieftains, the top terrorist chieftains of this tyranny.
Our aircraft are hitting the terror operatives on the ground, in the crossroads, in the city squares.
This is meant to enable the brave people of Iran… pic.twitter.com/bjPVPZSZUz
Норуз е персиска Нова Година, што го означува доаѓањето на пролетта и е еден од најважните празници во Иран и пошироко, поврзан со обнова, семејство и нови почетоци.
Чахаршанбе Сури е традиционален ирански фестивал на огнот што се слави во пресрет на персиската Нова Година со скокање на оган и често има политичка димензија преку протести. Исламските власти го сметаат за пагански празник.
„Прославете го и имајте среќен Новруз. Ве бдееме од воздух“, им рече Нетанјаху на Иранците.