Премиерот Димитар Ковачевски вели дека нема намера да се меша во работата на судството, ниту пак да ја коментира ниската доверба на граѓаните во обвинителството и правосудството. Не планира да се меша ниту во тоа кој обвинител во кое обвинителство се назначува, ниту пак кој судија во кој суд, бидејќи, како што вели, тоа е надлежност на правосудниот систем.
На прашањето дали ќе го отстрани министерот Никола Тупанчевски од Министерството за правда, доколку продолжи хаосот во правосудниот систем, Ковачевски вели дека не е планирана реконструкција на Влада. Сега е период кога се подготвуваме за следната година.
Од Ковачевски беше побарано и да ја прокоментира одлуката на Апелација за укинување на пресудата за предметот „Таргет-Тврдина“на Сашо Мијалков, но претседателот на Владата одби да даде било каков коментар, упатувајќи ги новинарите одговор да побараат од правосудните органи.