Уште еден инцидент се случи во Србија, само ден по крвавиот напад на основното училиште „Владислав Рибникар“ во центарот на Белград.
Во селото Дубона во Младеновац се случило пукање од автоматска пушка од возило во движење, а „Новости“ од неофицијални информации пренесува дека полицаец и неговата сестра се убиени, додека седум лица се повредени, меѓу кои има и деца.
Од итната служба соопштиле дека добиле повик за пукање и дека екипи се упатиле кон местото на настанот.
Полицијата распиша потерница по 21-годишно момче. Тој по инцидентот наводно побегнал со возило „мерцедес“ во правец кон Ниш.