Угостителите од идниот четврток 21. јануари, ќе имаат продолжено работно време до 21 часот. Ова го потврди министерот за здравство, Венко Филипче на денешната прес-конференција.
„На 21 јануари ќе се донесе одлука за продолжување на работата на угостителските објекти до 21 часот, но и можноста нивното работно време да се продолжи до 23 часот“, истакна Филипче.
„Единствено нешто што ќе се случи на 21 јануари е работното време на угостителите сигурно да се продолжи до 21 часот, а согласно проценката на ситуацијата до 21-ви, евентуално да се разгледа нивното барање за работа до 23 часот. Меѓутоа, сите други мерки остануваат во сила“, рече Филипче
Во моментов угостителските објекти работат до 18 часот.