Од страв да го кажат тоа што навистина го мислат, или од љубов за градоначалникот, стружани со различни мислења за Рамиз Мерко кој е прогласен за персона нон-грата од САД. Многумина од нив прстот го вперуваат кон Владата и политичките лидери, велејќи дека рибата смрди од главата.
-Дали е корумпиран или не?
„Каква Америка, какви бакрачи, јас не можам да се жалам, од Дебар сум, тука живеам 5 години, но има добри работи“.
„Не, немам, се е во ред за мене“.
–Прогласен е за корумпирано лице, ова не ви пречи како на стружанец?
„Не, не гледам тука ништо“.
-Како го коментирате тоа што Мерко е на црната листа на Америка?
„Многу добро го коментирам,каква врска има, така прават само затоа што ја изгради цела Струга“.
Имаше и такви кои воопшто не сакаа да коментираат.
„Не“.
-Коментар за г. Мерко?
„Не, не, немам добри односи“.
-Имате ли коментар во врска со тоа што Рамиз Мерко е на црната листа?
„Не, немаме“.
Градоначалникот на Струга, Рамиз Мерко заедно со потесното семејство се најде на црната листа на САД,бидејќи како што соопшти Стејт департментот, вмешан е во корупција и влијание врз судството.