Пасошкото одделение од утре повторно ќе работи по неколкудневната надградба на софтверот. Со олабавувањето на мерките се зголеми интересот за патување кај граѓаните. Не е мал бројот на оние што во последен момент воочиле дека пасошот им е истечен велат од МВР, бидејќи година и повеќе не го користеле заради пандемијата.
Па, така околу 3-4 000 барања има дневно и затоа ќе се работи со продолжено работно време, во две смени и за викенд. Оние кои сакаат да извадат пасош по итна постапка за лица до 4 години ќе ги чини 4 600 денари, од 5- 27 години 4 700 денари, а за граѓани над 27 години 4 800 денари.
Поради големиот број иселеници кои поради пандемсиките услови не можеле да ја продолжат патнаат исправа парламентот донесе одлука со која се продолжува важноста на патните исправи и таа стапува на сила на први јули и ќе трае до 31-ви декември годинава.
„Македонските граѓани без оглед дали имаат бугарски или друг пасош мора да ја напуштат државата со македонски пасош, без оглед дали е истечен влезот ќе им биде дозволен, но на излез им треба валидна патна исправа“, изјави Тони Ангеловски, портпарол на МВР.